#netGIRLS-bootreis 2019 Theme Cruise

Skop daai stiletto’s uit, maak jou hare los en pak jou prettigste plakkies in, want dis tyd om saam met die girls fees te vier. FINESSE se #netGIRLS-bootreis is vanaf 1 tot 4 Maart 2019 op die splinternuwe MSC Musica, en ons vaar van Durban na die Portugese eilande! 


In die groter wêreldklasteater bied ons ʼn inspirerende musiekproduksie aan eksklusief vir #netGIRLS-bootreis gaste met drie blondines en drie donkerkoppe. Gretha Wiid, Lianie May, Lindi Delport, Tracey Lange, Nádine en Monique Steyn is die sterre wat optree en sal seker maak dat die girls lag, huil, hoendervleis kry en die lewe met nuwe energie aanpak. 


Die swart en wit tema in die teater sal ook hope geleentheid verskaf om kreatief aan te trek, en soos gewoonlik sal ons ʼn prys hê vir die dame met die interessantste uitrusting. 


Ons gaan onder die sterre dans op die dek, in die louwarm seewater baljaar, regte Italiaanse roomys eet en nooit wonder oor wat ons vir aandete moet maak nie. Hierdie wegbreek is presies wat girls nodig het om die wip in hulle stap terug te sit. 


As deel van die FINESSE #netGIRLS-pakket kry jy ’n T-hemp, geskenkpak en toegang tot ons kunstenaars se eksklusiewe vertonings


Maak seker jy kliek op die Finesse Cruise, wanneer jy aanlyn bespreek by MSC anders gaan jy belangrike kommunikasie misloop en sal ons nie jou besonderhede hê om jou geskenkpak vir jou te gee nie.

South Africa

Cruise Ship MSC Musica Cruise Itinerary South Africa, Mozambique Departure Port Durban Duration 4 Days, 3 Nights
Select a departure date